Teknologia
Esperientzia digitalik berriena, zure camperraren barruan. Kontrolatu argiak, berogailua eta soinua ukipen-panel bakar batetik. Eta gehiago nahi duzunean: proiektoredun zinema-paketea, edozein gau estreinaldi bihurtzeko.
Garmin
Garmin SERV pantailak ukipen-panel bakar batean biltzen du zure Space S-aren barruan gertatzen den guztia: argiak, berogailua, tenperatura, ura, musika… Lehen bizitegian barreiatutako hamabi etengailu fisiko zirena, orain interfaze garbi, intuitibo eta konektatua da. Zarata bisual gutxiago. Benetako kontrol gehiago.
Pantaila bat, kontrol osoa
Sistema elektrikoarekin integratuta — litiozko bateriak, eguzki-plakak, inbertsorea — Garmin SERV pantailak denbora errealean erakusten dizu zure energiaren egoera zehatza: zenbat duzun, zenbat kontsumitzen duzun, zenbat sortzen ari zaren. Ezustekorik gabe.
Kontrol osoa zure eskuan
Garmin RV Controls aplikazioaren bidez informazio guztia duzu eskura, eta zure Space S-aren sistemak edonondik monitorizatu eta doitu ditzakezu. Kontrolak ez luke muga fisikorik izan behar.
Starlink
Starlinkek abiadura handiko interneta eramaten du planetako edozein tokitara. Mendiak, urrutiko kostaldeak, izenik gabeko errepideak. Space S-ak ez zaitu behartzen konektibitatearen eta askatasunaren artean aukeratzera. Biak dituzu, beti, zoazen lekura zoazela. Lan egiteko, bideo-dei bat egiteko, ezer ez galtzeko edo dena partekatzeko.
Soinu-sistema premiuma
Bozgorailu-sistemak audio argi eta inguratzailez betetzen du Space S-a. Diseinu trinkoa, instalazio garbia eta erreferentziazko marka baten fideltasuna.
Zinema-paketea
Bihurtu zure camperra gurpil gaineko benetako zinema-areto, gure kalitate handiko proiektorearekin. Gozatu zure film eta serie gogokoenez, irudi garbi eta distiratsuarekin.
Pantaila eta Apple CarPlay
10 hazbeteko ukipen-pantaila garbi eta intuitibo bat. Zure musika, zure mapak, zure deiak — dena pantailan, dena ezagutzen duzun logika berarekin. Ikaskuntza-kurbarik gabe. Distrakziorik gabe. Aurrean bidea besterik ez, eta gainerako guztia egon behar duen tokian.
Gidatzeko laguntzak
Laguntza-sistema bakoitza bolantean erabateko konfiantza emateko dago pentsatuta, hirian zein errepidean, camperraren tamaina inoiz muga izan gabe.
Atzeko kamera sareta dinamikoarekin
Fiat Ducatoaren atzeko kamerak pantailan erakusten du atzean gertatzen den guztia. Sareta dinamikoak denbora errealean marrazten du ibilgailuaren ibilbidea bolantea biratu ahala, eta horrek distantziak zehatz kalkulatzen eta tokirik estuenetan ere aparkatzen laguntzen dizu.
Abiadura-kontrola
Abiadura-kontrol egokigarriak abiadura konstantea eta aurretik doan trafikoarekiko distantzia egokia mantentzen laguntzen du. Sistemak automatikoki doitzen du martxaren erritmoa, gidatze leunago eta erosoago baten alde.